Banorët e Divjakës kanë zhvilluar mbrëmjen e së mërkurës, natën e gjashtë radhazi të protestës kundër projektit të reformës territoriale, i cili parashikon bashkimin e Bashkisë Divjakë me Bashkinë Lushnje.
Të vendosur për të vijuar kundërshtinë e tyre, protestuesit deklaruan se nuk do të ndalen derisa qeveria të tërhiqet nga projekti për shkrirjen e bashkisë.
Të lidhura
None found
Gjatë fjalimeve të mbajtura në protestë, përveç kundërshtimit të reformës territoriale, banorët u bënë thirrje deputetëve të zgjedhur me votat e qytetarëve të Divjakës, si të mazhorancës ashtu edhe të opozitës, që të mbështesin kërkesën e tyre dhe të mbrojnë interesat e komunitetit.
Në përfundim të tubimit, protestuesit vijuan ritualin e përnatshëm, duke marshuar nëpër rrugët e qytetit të Divjakës.
