Ministria e Infrastrukturës dhe Transportit ka bërë të ditur se sot do të aplikohet një kufizim i përkohshëm për qarkullimin e automjeteve të transportit të mallrave me masë totale mbi 20 tonë në autoudhë, për shkak të temperaturave të larta të pritshme.
Të lidhura
None found
Masa do të zbatohet nga ora 11:00 deri në 17:30, në kushtet kur parashikohet që temperaturat të kalojnë 32 gradë Celsius.
Në rrugët nacionale, rajonale dhe lidhëse, këto automjete do të mund të qarkullojnë normalisht, pa kufizime.
Kufizimi nuk përfshin automjetet e organeve të rendit dhe sigurisë publike, shërbimeve emergjente si dhe institucioneve shëndetësore.
Ministria u ka kërkuar operatorëve ekonomikë dhe ngasësve të zbatojnë masën dhe të organizojnë lëvizjen e tyre sipas orarit të përcaktuar.
