Një aksident i rëndë ka ndodhur mbrëmjen e sotme pranë fshatit Murras, në rrugën Peqin–Elbasan.
Të dhënat paraprake bëjnë të ditur se në përplasje janë përfshirë tre mjete, njëri prej të cilëve është furgon. Deri tani nuk ka informacion zyrtar nëse nga ngjarja ka persona të lënduar apo se cila është gjendja e tyre shëndetësore.
Të lidhura
None found
Për shkak të aksidentit, lëvizja në këtë segment rrugor është ndërprerë, ndërsa në të dyja kahet janë formuar kolona të gjata automjetesh.
Policia ndodhet në vendin e ngjarjes dhe po kryen veprimet për përcaktimin e rrethanave të përplasjes, si edhe për rikthimin e trafikut në normalitet. Për hollësi të tjera pritet të dalë një njoftim zyrtar.
