Policia në Maqedoni ka ndaluar një shtetas të Kosovës, pasi konstatoi se ai po qarkullonte me 220 kilometra në orë në autostradën A1, në një segment ku kufiri i lejuar i shpejtësisë është 120 kilometra në orë.
Të lidhura
None found
Sipas njoftimit të MPB-së, drejtuesi 36-vjeçar me inicialet Sh.Z. u ndalua sot, në orën 08:41, në parkingun pranë Miletkovës, gjatë një ndërhyrjeje të efektivëve të SPB-së së Strumicës dhe DPB-së së Gjevgjelisë.
Ai ishte duke drejtuar një automjet pasagjerësh me targa të Kosovës, ndërsa shpejtësia e regjistruar ishte 100 kilometra në orë mbi normën e lejuar.
MPB-ja bëri të ditur se ndaj tij do të paraqitet kallëzim penal për drejtim të pakujdesshëm.
