Shërbimi i Mbrojtjes nga Zjarri dhe Shpëtimit në Bashkinë Cërrik, ka rritur angazhimin për shkak të temperaturave ekstreme që kanë përfshirë vendin.
Krahas gatishmërisë për t’u përballur me emergjencat, ekipet po ndërmarrin veprime parandaluese për të minimizuar rrezikun e zjarreve.
Të lidhura
None found
Në kuadër të këtyre masave po kryhet lagia e akseve rrugore, me qëllim zbutjen e pasojave të vapës.
Gjithashtu, po mbahen nën vëzhgim zonat ku mundësia e shpërthimit të zjarreve është më e lartë, ndërsa hidrantët po kontrollohen për të siguruar funksionimin e tyre në çdo rast emergjent.
Autoritetet u kërkojnë qytetarëve të tregojnë kujdes të veçantë gjatë kësaj periudhe, të mos ndezin zjarre në hapësira të hapura dhe të njoftojnë pa vonesë shërbimet emergjente sapo të konstatojnë një vatër zjarri.
