Jose Mourinho e cilësoi pozitive paraqitjen e Real Madridit në barazimin ndaj Fiorentinës, sfidë kjo që ishte e treta miqësore për skuadrën gjatë fazës përgatitore. Trajneri portugez theksoi se ishte i kënaqur me atë që pa nga futbollistët, pavarësisht mungesave të shumta.
Të lidhura
None found
Sipas Mourinhos, ekipi i tij pati tri paraqitje të ndryshme brenda së njëjtës ndeshje: fillimisht ishte i freskët, më pas i lodhur dhe në fund shumë i lodhur.
“Sot pashë tri versione të Real Madridit: një skuadër të freskët, një të lodhur dhe një tjetër shumë të lodhur. Në momentin kur ishim të freskët, luajtëm në mënyrë shumë të mirë. Me atë që treguam, avantazhi 2-1 në pjesën e parë ishte i pamjaftueshëm, pasi mund të kishim fituar lehtësisht 3 ose 4-0”.
Tekniku i Real Madridit u ndal edhe te mënyra se si skuadra reagoi kur loja u bë më e ashpër fizikisht. Në këtë aspekt, ai përmendi veçanërisht futbollistët e rinj Joan Matinez dhe Mario Rivas.
“Joan Matinez dhe Mario Rivas bënë një ndeshje fantastike, edhe pse fizikisht nuk janë ende gati të përballen me një lojtar si Kean. Megjithatë, reagimi i ekipit kur arriti në kufijtë e lodhjes më pëlqeu shumë. Skuadra nuk u shpërbë dhe arriti ta merrte përsëri kontrollin e lojës”.
Mourinho vlerësoi gjithashtu përkushtimin e Denzel Dumfries dhe Endrickut, të cilët kishin kryer vetëm tri seanca stërvitore përpara përballjes.
“Dumfries dhe Endrick kishin vetëm tri stërvitje, por luajtën mbi 70 minuta. Ishte një sakrificë e jashtëzakonshme dhe i falënderova për kontributin që dhanë për ekipin”.
Në prononcimin e tij, trajneri foli edhe për situatën aktuale të skuadrës dhe mungesat që po ndikojnë në përgatitjet e verës.
“Ky është Real Madridi me futbollistët që kemi në dispozicion tani. Jam shumë i kënaqur me punën e lojtarëve që prej ditës së parë. Ajo që më shqetëson është se ende nuk e kam të gjithë grupin. Do të dëshiroja të punoja tri javë me skuadrën e plotë, por kjo nuk është e mundur”.
Ai bëri të ditur se Vinicius Junior, Brahim Diaz dhe Bernardo Silva do t’i bashkohen ekipit të hënën, ndërsa futbollistët e tjerë do të rikthehen gradualisht në dispozicion.
