Debati politik në vend vijon të përfshijë përdorimin e gjuhës shqipe në institucionet shtetërore. Ndërkohë, Ministria e Drejtësisë ka paralajmëruar ndërmarrjen e hapave të tjerë për zbatimin e dispozitave ligjore mbi përdorimin e gjuhëve zyrtare.
Të lidhura
None found
Në këtë kontekst, Florian Nesimi iu përgjigj kritikave të kreut të së Majtës, Dimitar Apasiev, për vendimin e ministrit të Drejtësisë, Jeton Shasivari, që faqja zyrtare e ministrisë të jetë e disponueshme edhe në shqip. Masa bën pjesë në përpjekjet për ta shtrirë përdorimin e gjuhës shqipe në komunikimin institucional.
Analisti politik e komentoi me ironi qëndrimin e Apasievit përmes një postimi në rrjetet sociale.
Nesimi shkroi se Apasievi ishte nervozuar pasi Jeton Shasivari e kishte mundësuar faqen e Ministrisë së Drejtësisë edhe në gjuhën shqipe, ndërsa pyeti se çfarë do të thoshte ai kur edhe provimi i jurisprudencës të zhvillohej në shqip.
