Banorë të Divjakës protestuan kundër reformës territoriale të propozuar, e cila parashikon shkrirjen e kësaj bashkie dhe përfshirjen e saj në Bashkinë e Lushnjës.
Protesta u drejtua nga kryetari i Bashkisë Divjakë, Josif Gorreja. Në tubim folën edhe qytetarë të shumtë, të cilët kundërshtuan nismën për ndryshimin e ndarjes territoriale.
Të lidhura
None found
Mes pjesëmarrësve ishin edhe përfaqësues të Partisë Demokratike, përfshirë deputetët Sajmir Korreshi dhe Brunilda Haxhiu, si dhe ish-deputeten e PD-së, Ilda Dhori.
Protestuesit thanë se bashkimi me një njësi tjetër vendore rrezikon t’i largojë shërbimet nga banorët dhe të dobësojë përfaqësimin lokal. Ata kërkuan që Divjaka të vazhdojë të funksionojë si bashki më vete, në mënyrë që vendimmarrja të mbetet pranë komunitetit.
