Joan Garcia ka bërë një deklaratë të veçantë lidhur me suksesin e Barcelonës në sezonin e ri 2026/27, duke premtuar një tatuazh të pazakontë në rast të triumfit në Ligën e Kampionëve.
Portieri i parë i katalanasve u shpreh se do të tatuazhojë fytyrën e trajnerit Hansi Flick nëse skuadra arrin të fitojë trofeun prestigjioz evropian.
Të lidhura
None found
“Nëse fitojmë Ligën e Kampionëve, duhet të bëj diçka. Nuk e di nëse do t’ia bëj tatuazh fytyrën Hansit…”, deklaroi Garcia me humor para gazetarëve.
Një premtim të ngjashëm e kishte bërë edhe bashkëkombësi dhe bashkëlojtari i tij në kombëtare, Marc Cucurella. Para Kupës së Botës, ai kishte thënë se do të bënte tatuazh imazhin e trajnerit të Spanjës, Luis de la Fuente, nëse përfaqësuesja do të shpallej kampione.
Spanja më pas e fitoi titullin e botës për herë të dytë, ndërsa Cucurella e mbajti fjalën duke tatuazhuar fytyrën e De La Fuentes.
Garcia iu bashkua Barcelonës para nisjes së sezonit të kaluar, pasi u transferua nga rivali lokal Espanyol. Ai ishte një nga lojtarët kryesorë në suksesin e klubit, që triumfoi në La Liga dhe Copa del Rey.
