Delegatët e Lidhjes Demokratike të Kosovës (LDK) kanë përmbyllur votimin në Kuvendin e jashtëzakonshëm, ku u shqyrtua kërkesa e një grupi prej tyre për shkarkimin e kryetarit të partisë, Lumir Abdixhiku.
Të lidhura
None found
Me mbylljen e procesit, kutitë janë hapur dhe ka filluar numërimi. Rezultati do të tregojë nëse nisma për largimin e Abdixhikut ka siguruar mbështetjen e nevojshme të delegatëve të Kuvendit.
Mbledhja e jashtëzakonshme u karakterizua nga debate dhe përplasje ndërmjet delegatëve, ndërsa diskutimet në sallë u ndërprenë përpara se të niste votimi.
Më herët gjatë ditës, kryetari i Pejës, Gazmend Muhaxheri, tha se votimi po zhvillohej në mënyrë të qetë dhe demokratike. Ai njoftoi gjithashtu se disa degë e kishin përfunduar tashmë procesin.
Vëmendja tani është zhvendosur te numërimi i votave dhe shpallja e rezultatit përfundimtar të këtij procesi të brendshëm në LDK.
