Administrata amerikane ka vendosur të ndërpresë përkohësisht sulmet kundër Iranit, në mënyrë që negociatorëve t’u ofrohet një mundësi e re për të gjetur zgjidhje përmes diplomacisë, deklaroi presidenti i Shteteve të Bashkuara, Donald Trump.
Të lidhura
None found
Gjatë një interviste për Axios, kreu i Shtëpisë së Bardhë tha se SHBA-ja vijon të jetë e gatshme për dialog, ndërsa nënvizoi se mundësia e ndërhyrjes ushtarake mbetet ende e hapur.
“Po ndalojmë sulmet ndaj Iranit për t’i dhënë një shans diplomacisë. Megjithatë, nëse negociatat dështojnë, jemi gati për veprime të forta ushtarake”, deklaroi presidenti amerikan.
Deklarata e Trump tregon se Uashingtoni kërkon t’i japë fillimisht përparësi rrugës diplomatike, pa përjashtuar përdorimin e forcës në rast se bisedimet me Iranin nuk prodhojnë rezultatet e pritshme.
