Marius Borg Høiby, djali i Princeshës së Kurorës së Norvegjisë, Mette-Marit, do të qëndrojë në arrest shtëpiak pasi është autorizuar të largohet nga paraburgimi. Vendimi vjen në një kohë kur nëna e tij po merr veten pas transplantit të mushkërive.
Të lidhura
None found
Autoritetet norvegjeze kanë caktuar që, deri në zhvillimin e procesit të ri, Høiby ta vuajë masën në banesë nën mbikëqyrjen e një byzylyku elektronik.
29-vjeçari u dënua në shkallë të parë një muaj më parë për dy akuza që kishin të bënin me përdhunim dhe dhunë në familje ndaj një ish-partnereje. Ai e ka apeluar këtë vendim, ndërsa procedurat gjyqësore pritet të vijojnë.
Sipas raportimeve të mediave norvegjeze, gjendja shëndetësore e Princeshës Mette-Marit ishte ndër arsyet kryesore pse gjykata pranoi kërkesën për arrest në banesë. Ajo i është nënshtruar së fundmi me sukses një transplanti të mushkërive dhe ndodhet në periudhën e rikuperimit.
“Familja ime ka kaluar një periudhë shumë të vështirë. Të gjithë janë pranë nënës sime. Të mos jem në gjendje ta mbështes është jashtëzakonisht e vështirë për mua”, ka deklaruar Høiby, sipas transmetuesit publik norvegjez NRK.
