Vora ka njoftuar se gjatë ditës së sotme do të udhëtojë drejt Bansko të Bullgarisë, ku do të vijojë fazën përgatitore për sezonin e ri në “Abissnet Superiore” dhe do të zhvillojë edhe disa ndeshje miqësore.
Klubi vorak ka ndjekur të njëjtën rrugë si dy skuadra të tjera të Superiores, Egnatia dhe Teuta, duke përzgjedhur pikërisht këtë destinacion për të vëzhguar më nga afër futbollistët që janë aktualisht pjesë e organikës, por edhe afrimet e bëra në këtë sesion merkatoje.
Të lidhura
None found
Tashmë pritet të mësohet se cilat do të jenë kundërshtaret e Vorës në këtë etapë përgatitore, si edhe mënyra se si trajneri Arjan Bellai do t’i integrojë prurjet e reja në skemën e skuadrës.
