Edhe sot, mijëra njerëz u grumbulluan përpara Kryeministrisë në protestën e 41-të kundër qeverisë Rama.
Një nga aktivistët theksoi se kjo protestë e ka fituar tashmë betejën e numrave dhe ka dëshmuar qëndrueshmëri.
Të lidhura
None found
Ai shtoi se Rama dhe qeveria po gërryen çdo ditë e më shumë, gjë që, sipas tij, pasqyrohet qartë edhe në postimet e tyre në rrjetet sociale.
Aktivisti: Mos u futni në kurthin e atyre që duan ta reduktojnë protestën në një garë numrash. Kjo përballje është fituar prej nesh, sepse kemi organizuar protestat më të mëdha që ka parë ky vend. Nëse dikush mendon se ekziston një tubim më i madh në numra se ky, le ta tregojë. Kjo është luftë qëndrueshmërie. Është rezistencë, sepse qëndrueshmëria jonë këtu prej 41 ditësh po i konsumon këta dita-ditës. Ata ndodhen në një proces të vazhdueshëm gërryerjeje. Mjafton të shihni postimet e tyre të përditshme në rrjete sociale, janë mesazhe paniku, janë postime të dikujt që e ka shpinën pas murit. Dua të them se këta që premtojnë Europën, ndërsa Europën nuk po e sjellin, na akuzojnë si agjentë të Iranit, por në fakt po sillen si Irani. E keni parë që kanë ngritur një polici virtuale morali, me në krye Taulant Ballën, që del e na shpjegon si duhet të jetë një protestues. A mund të na japë moral një qeveri e inkriminuar? Ky kryeministër e nis mëngjesin duke publikuar fletë rruge digjitale. Duhet ta largojmë këtë mendësi komuniste që na ka udhëhequr për më shumë se 36 vite.
