Matteo Moretto, eksperti i njohur i merkatos, ka sjellë detaje të reja lidhur me të ardhmen e sulmuesit Julian Alvarez.
Sipas tij, Apollo Sports Capital, pronarët e Atletico Madrid, tashmë janë të gatshëm të dëgjojnë oferta për sulmuesin argjentinas, ndërsa Barcelona mbetet një nga klubet që po e ndjek konkretisht situatën e tij.
Të lidhura
None found
“Për herë të parë, Apollo po fillon të marrë në konsideratë largimin e tij të mundshëm, se duhet të dëgjojnë ofertat”, u shpreh fillimisht Moretto.
Ai shtoi se, nëse vendimi do të ishte vetëm në dorën e Apollo, Julian do të duhej të transferohej jashtë vendit. “Për shembull, Arsenali, por të gjithë e dinë që Barca është opsioni i parë dhe se kur të mbarojë Kupa e Botës, ata do të bëjnë një përpjekje tjetër për ta nënshkruar atë. Barca është ende në garë”.
Moretto theksoi gjithashtu se për herë të parë edhe Atletico po analizon mënyrën se si do ta menaxhonte situatën në rast se lojtari nuk do të qëndrojë. “Për herë të parë, Atletico po shqyrton se si ta zgjidhë problemin nëse ai nuk do të qëndrojë”.
Lidhur me vlerën e mundshme të kartonit të tij, eksperti i transferimeve ishte i qartë: “Çmimi do të ishte më shumë se 100 milionë euro, njëqind për qind. Një muaj më parë, më thanë se do të ishte rreth 130 milionë euro, më shumë se tarifa e transferimit të Griezmann”, përfundoi eksperti i transferimeve.
