Tirana ka zyrtarizuar Bernard Berishën si afrimin më të ri të skuadrës. Lajmi është bërë i ditur nga vetë bardheblutë përmes rrjeteve sociale, ku njoftuan se sulmuesi do të jetë pjesë e ekipit kryeqytetas në sezonin e ri 2026/27.
Futbollisti 34-vjeçar sjell përvojë të konsiderueshme në repartin ofensiv. Më parë, ai ishte një nga lojtarët kryesorë te Dinamo, ekip me të cilin fitoi edhe Kupën e Shqipërisë nën drejtimin e Ilir Dajës.
Të lidhura
None found
Me firmën e Berishës, Tirana regjistron afrimin e tretë në këtë merkato. Më herët, klubi kishte prezantuar mesfushorin Ardit Krymi dhe sulmuesin Erdon Daci, ndërsa në fillim u rinovua edhe kontrata e Redon Xhixhës.
