Që prej natës së djeshme duke vazhduar dhe gjatë gjihë ditës sot është përhapur me shpejtësi në aplikacionin Whats app një audio- mesazh ku thuhet se në Shqipëri janë 12 të prekur nga virusi vdekjeprurës.
Ishte pikërisht zëri i nj vajze që bën me dije lajmin por sipas saj shteti po fsheh situatën. Në audion dëgjohen dhe disa kshilla për të qëndruar larg virusit.
Lidhur me këtë audio, reaguan dhe autoritetet të cilt akuzojnë vajzën për përhapjen e një lajmi të rremë.
Nga po e njëjta vajzë, vjen një tjetër audio ku kërkon të fshihet audio e parë pasi është thirrur të dëshmojë në polici për përhapje të “lajmeve fake”.
Audio 1:
“Goca, se po më shkruante motra tani. Vjehrra e motrës time është mjeke në spital dhe na mori në telefon dhe na ka thënë që janë konfirmuar shumë raste me koronavirus në Shqipëri, kështu që evitoni kafet e mbyllura ku ka shumë njerëz, autobusat, përdorni higjienizues, mos i takoni njerëzit, thojuni “mirëmëngjes” “mirëdita”, por mos u jepni duart që të keni kontakt me frymëmarrjen. Pini lëng portokalli se forcon imunitetin se kush ka imunitetin e dobët më i rreziku dhe çështja është se do përhapet në masë, se nuk kemi as kushtet e duhura për t’i mbajtur në karantitë të infektuarit tha ajo. Nuk është për të përhapur panik, por bëni kujdes me këto gjërat kështu. Mbani gjithmonë higjienizues me vete, lani duart sa më shpesh, nëse hipni në autobusa shpesh merrni maska se nuk i dihet. Nuk është bërë akoma publike se nuk e lejon shteti domethënë mbi 12 raste vetëm javën e fundit”,
Audio 2:
“Goca kjo audio është e imja. E kam nisur te grupi i punës para pak orësh dhe ju lutem, ju lutem, ju lutem fshijeni. Të gjithë njerëzve që ua keni dërguar thuajini fshijeni se unë nesër kam për të shkuar në polici dhe kam për të dhënë deklaratë gjasme për lajme fake. Të lutem kushdo që e merr këtë audio, ti thonë që ta fshini dhe mos ta shpërndajë më se është bërë problem shumë i madh. Ju lutem, ju lutem, ju lutem fshijeni”.
