Pas tensioneve që u shënuan sot përpara Kuvendit mes protestuesve, deputetëve dhe forcave të policisë, ka reaguar ish-deputetja e Partisë Socialiste, Marjana Koçeku.
Në një postim të publikuar në Facebook, Koçeku shprehet se ndaj protestuesve është ushtruar dhunë nga policia dhe thekson se një shtet që i përgjigjet pakënaqësisë qytetare me forcë, në të vërtetë tregon dobësinë e vet.
Të lidhura
None found
“Kam ndjekë me shqetësim sot dhunën policore të ushtrueme mbi protestuesit. Më vjen keq që i vetmi komunikim dhe mesazh politik që ky pushtet mundet me u ofru protestuesve asht dhuna.
Kur argumentet i mbarojnë nji shteti, mbesin vetëm shkopi i gomës, prangat dhe çizmja e policit.
Por asnji pushtet nuk e ka zgjatë jetën e vet tu i goditë qytetarët që kërkojnë me u dëgjue.
Merrni datat ma kyçe të historisë dhe do shihni se këtë e kena dëshmue çdo herë.
Nji shtet që zgjedh me iu përgjigjë pakënaqësisë qytetare me dhunë, nuk po demonstron forcë; po demonstron pafuqinë e vet për me bindë”, shkruan Koçeku.
