Pjesëmarrësit në protestën e 31-të qytetare kanë bërë të ditur se do të ndërmarrin një tjetër aksion, teksa kanë paralajmëruar se nesër, në orën 10:00, do të shkojnë pranë Prokurorisë së Posaçme, SPAK.
Në fjalën e mbajtur gjatë tubimit, një nga organizatorët, Edison Lika, u shpreh se atje do të dorëzojnë atë që sipas tyre përbën provë për nisjen e hetimit ndaj kryeministrit Edi Rama.
Të lidhura
None found
“Do të vijojmë me aksionet paradite. Në orën 10 do të jemi te SPAK-u për të dërguar armën e krimit ‘The Albanian Files’. Ajo do të sigurojë burgosjen e Edi Ramës. Jeni të lutur ta firmosni të gjithë në këtë shesh, që ta kuptojnë se ajo armë krimi mban firmën e secilit prej nesh”, tha ai.
