Shefi i Urgjencës së Traumës, Agustin Suma ka folur për gjendjen shëndetësore të personave të plagosur si pasojë e aksidentit në aksin Tiranë-Durrës. Gjatë një prononcimi për mediat, Suma u shpreh se një fëmijë është në gjendje të rëndë ndërsa 5 të tjerë janë në operim.
Mjeku shtoi se 2 prej tyre janë shtetas të huaj, identiteti i të cilëve nuk janë konfirmuar ende. pesë të tjerë janë në gjendje të stabilizuar në urgjencë dhe nuk paraqesin rrezik për jetën.
Të lidhura
None found
“Janë 2 të mitur, një i moshën 8-9 në gjendje të rëndë, një tjetër 14 vjeç në repartin e observimit. 5 pacientë 30-50 vjeç po i nënshtrohen operacionit. 2 prej tyre janë shtetas të huaj, identiteti i të cilëve nuk janë konfirmuar ende. Ndodhen në gjendje të rëndë. 5 të tjerë janë në gjendje të stabilizuar në urgjencë. Këta të pesë nuk paraqesin rrezik për jetën. Ekipi mjekësor po ndjek nga afër ecurinë klinike të çdo pacienti”, tha ai.
