Donald Trump tha se do të jetë i pranishëm në samitin e ardhshëm të NATO-s në Ankara kryesisht për shkak të vlerësimit që ka për presidentin turk, Recep Tayyip Erdogan.
Ai la të kuptohet qartë se, po të zhvillohej në një shtet tjetër, ka shumë gjasa të mos merrte pjesë. Në një prononcim për gazetarët në Shtëpinë e Bardhë, presidenti amerikan e përshkroi Turqinë si një ndër fuqitë më të rëndësishme ushtarake të aleancës, duke vënë në dukje se potenciali i saj shpesh nuk merret sa duhet parasysh.
Të lidhura
None found
Trump veçoi edhe stoqet e mëdha të pajisjeve ushtarake që ka vendi, si dhe bashkëpunimin e gjatë në mbrojtje me Shtetet e Bashkuara.
“Besoj se nuk do të shkoja nëse samiti nuk do të mbahej në Turqi. Por kam respekt për presidentin Erdogan, ndaj do të marr pjesë”, u shpreh Trump.
Sipas mediave ndërkombëtare, këto deklarata tregojnë afërsinë personale mes Trumpit dhe Erdoganit, në një kohë kur pesha strategjike dhe ndikimi rajonal i Turqisë brenda NATO-s po rriten.
Presidenti amerikan sugjeroi gjithashtu se mund të ndërmarrë një hap që do ta kënaqte shumë Ankaranë, kur u pyet për kërkesën turke për avionët luftarakë F-35 dhe motorët reaktivë, si edhe për mundësinë nëse do të udhëtonte atje “me një çantë të madhe dhuratash”. Samiti i NATO-s në Ankara është planifikuar të zhvillohet më 7 dhe 8 korrik.
