Shërbimi Gjeologjik i SHBA-së (USGS) ka njoftuar se lëkundja e fortë sizmike që goditi Venezuelën mund të ketë sjellë nga 10 mijë deri në 100 mijë viktima, sipas përllogaritjeve fillestare të sistemit të tij të vëzhgimit.
Këtij episodi, USGS i ka caktuar nivelin maksimal të paralajmërimit, të quajtur “Alarmi i Kuq”, një klasifikim që përdoret vetëm një ose dy herë gjatë vitit për tërmete me pasoja të mundshme katastrofike.
Të lidhura
None found
Ekspertët sqarojnë se kjo shifër nuk duhet konsideruar si numri përfundimtar i të vdekurve, por si një projeksion statistikor që shërben për të orientuar autoritetet dhe ekipet e emergjencës në menaxhimin e reagimit ndaj katastrofës.
Për këto vlerësime, USGS mbështetet te sistemi PAGER, i cili merr në shqyrtim elementë si magnituda e tërmetit, thellësia e goditjes, forca e lëkundjeve në terren dhe numri i banorëve të ekspozuar ndaj rrezikut. Më pas, këto informacione krahasohen me raste të ngjashme të tërmeteve të mëparshme për të përllogaritur pasojat e mundshme.
Megjithatë, specialistët nënvizojnë se rezultati përfundimtar ndikohet edhe nga elementë të tjerë, mes tyre cilësia e ndërtesave, përqendrimi i popullsisë dhe momenti i ditës kur ndodh fatkeqësia.
Ndërkohë, në ditët e ardhshme priten përditësime të reja të vlerësimeve, ndërsa autoritetet vijojnë operacionet e kërkim-shpëtimit në zonat e prekura.
