Uruguaji dhe Kepi i Gjelbër janë duke u përballur në Miami, në ndeshjen e dytë të raundit të dytë në Grupin H të Kupës së Botës.
Që në fillim, të dyja ekipet u treguan të kujdesshme në lojë. Uruguaji u përpoq të mbante kontrollin e topit dhe të sulmonte sidomos nga krahët, ndërsa Kepi i Gjelbër zgjodhi të mbështetej te kundërsulmet e shpejta dhe një organizim i disiplinuar në mbrojtje.
Të lidhura
None found
Momentin vendimtar e solli skuadra afrikane, që kaloi në avantazh falë një goditjeje dënimi nga afro 30 metra largësi. Lemini mori përsipër ekzekutimin dhe goditi fuqishëm, ndërsa topi kaloi përmes murit mbrojtës, i cili u hap në çastin e goditjes, duke ia vështirësuar ndërhyrjen portierit.
Fernando Muslera nuk mundi ta ndalte topin dhe ai përfundoi në rrjetë, duke shkaktuar festë të madhe te Kepi i Gjelbër. Goli kishte edhe peshë historike, pasi ishte i pari për Kepin e Gjelbër në historinë e paraqitjeve të tij në Kupën e Botës.
