Një incident që cenoi rendin dhe qetësinë publike u shënua më 20.06.2026, rreth orës 17:30, përballë parkut të Universitetit të Tetovës, ku u përfshinë në një përleshje fizike M.D. (20) dhe L.A. (26), që të dy nga Tetova.
Në përplasjen mes tyre është përdorur një armë e ftohtë, dhe L.A. e ka goditur me thikë M.D.-në, duke i shkaktuar plagë. I lënduari është transportuar në Spitalin Klinik të Tetovës, ku ka marrë trajtim mjekësor.
Të lidhura
None found
Policia, që ishte duke e siguruar vendin e ngjarjes, ka reaguar menjëherë. Në vendngjarje është sekuestruar një thikë, ndërsa L.A. është arrestuar dhe është mbajtur në stacion policor.
Autoritetet kanë bërë të ditur se, pas përfundimit të dokumentimit të plotë të rastit, do të ndërmerren masa të tjera ligjore.
