Epidemia e Ebolës po zgjerohet në disa rajone të Republikës Demokratike të Kongos, ndërsa autoritetet shëndetësore raportojnë shtim të ndjeshëm të rasteve.
Sipas Ministrit të Shëndetësisë, numri i rasteve të konfirmuara në laborator ka mbërritur në 933. Nga kjo sëmundje kanë humbur jetën 245 persona, ndërsa 80 pacientë janë shëruar dhe kanë dalë nga qendrat e trajtimit.
Të lidhura
None found
Shpërthimi i tanishëm u shpall zyrtarisht më 15 maj dhe lidhet me llojin Bubaquio të virusit Ebola, një variant më i rrallë për të cilin aktualisht nuk ka as trajtim specifik dhe as vaksinë të posaçme.
Autoritetet e shëndetësisë dyshojnë se virusi kishte qenë në qarkullim në komunitet për një periudhë përpara se të zbuloheshin rastet e para dhe të shpallej zyrtarisht epidemia.
Ebola renditet mes sëmundjeve infektive më vdekjeprurëse në botë. Të dhënat e Organizatës Botërore të Shëndetësisë tregojnë se gjatë pesë dekadave të fundit ajo ka shkaktuar mbi 15 mijë viktima në Afrikë, ndërsa shkalla e vdekshmërisë mund të luhatet nga 25 deri në 90 për qind, në varësi të variantit të virusit dhe kushteve të trajtimit.
Republika Demokratike e Kongos ka kaluar edhe më parë shpërthime të Ebolës. Më i rëndi në historinë e fundit të vendit u regjistrua nga viti 2018 deri në vitin 2020, kur rreth 3,500 raste të konfirmuara sollën gati 2,300 viktima.
Autoritetet lokale, në bashkëpunim me organizatat ndërkombëtare të shëndetësisë, po shtojnë përpjekjet për të ndalur përhapjen e virusit dhe për të trajtuar të prekurit në zonat më të goditura.
