Selin Bollati është parë duke qarë teksa po qëndronte e vetme në një pjesë në shtëpinë e Big Brother VIP Albania.
Kjo vjen pas një mbrëmje të ngarkuar për të, me daljen e partnerit të saj, DJ Gimbos.
Ky i fundit u largua nga formati në një televotim që kishte kokë me kokë me Brikena Selmanin.
Këtë e nisi Miri, si lider i shtëpisë, ku çoi në një nominim katër konkurrentë: Selin, Mateon, Gimbon dhe Brikenën.
Sido që të jetë, Selin ka krijuar një lidhje të ngushtë me Gimbon në kohët e fundit, pas dasmës që realizuan në shtëpi.
Ata do të vazhdojnë raportin jashtë shtëpisë, ku DJ nga Kosova i ka premtuar se do ta presë.
Në vazhdim mbetet për t’u parë loja e Selin, pa aleatët e saj tashmë të larguar: Gimbon dhe Gretën.
