Barcelona nën drejtimin e Hansi Flik, ka prezantuar një sistem të ri disiplinor, siç i thanë Pedri dhe Ferran Torres transmetuesit spanjoll El Hormiguero.
Ndryshimi kryesor ka të bëjë me vonesën, nuk ka më sanksione të menjëhershme sportive, por gjoba deri në 40,000 euro për dhjetë minuta vonesë në ditët e ndeshjeve.
“Nëse mbërrin njëzet minuta me vonesë ditën e ndeshjes, ndoshta është më mirë të qëndrosh në shtëpi”, bëri shaka Pedri.
Ferran Torres shtoi me ironi: “Është më mirë t’i dërgosh një foto të një ibuprofeni ose paracetamoli.”
Qëllimi i Flik është i qartë, t’i fuqizojë lojtarët, të sigurojë përqendrim dhe respekt të ndërsjelltë.
“Të arrish vonë nuk është thjesht një shpërqendrim, është një shenjë mosrespektimi ndaj shokëve të ekipit”, theksoi Pedri, duke specifikuar se vetë lojtarët e kishin kërkuar sistemin e ri.
“Ne e mbështesim shumë njëri-tjetrin, veçanërisht gjatë periudhave të vështira, dhe kjo na ndihmon të rifitojmë besimin në fushë”, përfundoi mesfushori spanjoll.
