Një aksident tragjik ka ndodhur në Greqi ku një vajzë 7 -vjeçare ka humbur jetën nga një aksident.
Një vajzë e vogël, vetëm 7 vjeç është përplasur për vdekje nga një kamion në kryqëzimin e rrugëve Grigoriou Lambraki dhe Koutaisi në Nikaia të Greqisë.
Ajo ishte duke ecur së bashku me kushërirën e saj 12 vjeçe, por kaluan në rrugë kur semafori ishte i ndezur jeshil për automjetet, dhe për pasojë kamioni me shpejtësi i përplasi të dyja.
Sipas mediave greke, 7 vjeçarja humbi jetën në vend, ndërkohë që kushërira e saj ndodhet në spital nën kujdesin e mjekëve.
“Ne po i bërtisnim shoferit që të ndalonte. Kur semafori u bë i gjelbër, ai u nis, shtypi vajzën e vogël duke i marrë jetën në vend. Edhe vajza tjetër u plagos”, tha një dëshmitar.
Familja e vogëlushes ka marrë vendimin që të dhurojë organet e vajzës për fëmijët e tjerë që janë të sëmurë.
