Juventusi u mposht ditën e djeshme nga Benevento, diçka që ka sjellë edhe irritimin e madh te tifozët bardhezi.
Ka qenë grupimi zyrtar i skuadrës bardhezi, “Curva Sud”, që kanë reaguar në faqen e tyre, ku kanë shkruar: “Mjaft! Ju po e poshtëroni fanellën”.
Pas sezonit me shumë ulje-ngritje, tifozët e Juventusit tashmë kërkojnë largimin e Pirlos nga drejtimi i skuadrës së tyre.
“Zonja e Vjetër” po kalon një moment të vështirë, teksa pas eliminimit nga Champions, tashmë kanë pësuar edhe një humbje tjetër në kampionat, këtë herë nga Benevento, që ka regjistruar fitoren e parë në histori ndaj Juventusit.
