Aksident në Sarandë/ Dy makina përplasen me njëra-tjetrën, më pas goditen edhe nga një kamionçinë

Mëngjesin e sotëm, një aksident rrugor ka ndodhur në aksin Sarandë–Delvinë, në fshatin Shijan.

Sipas informacioneve, dy automjete janë përplasur me njëri-tjetrin, ndërsa njëri prej tyre është goditur më pas edhe nga një kamionçinë.

Si pasojë e aksidentit ka mbetur e lënduar lehtë një grua, pasagjere në automjetin Opel.

Fatmirësisht, e lënduara ndodhet jashtë rrezikut për jetën.