Lideri i PD, Sali Berisha, zhvilloi ditën e sotme një takim në njësinë nr. 2 në Tiranë, ku mbajti fjalën e tij edhe Drejtuesi politik i PD për Tiranën, Belind Këlliçi, ku gjatë fjalës së tij, u shpreh se qytetarët po e bëjnë Edi Ramën të humbë kontrollin.
Ai e akuzoi kryeministrin për mashtrimet e tij gjatë këtyre viteve dhe theksoi se Partia Demokratike, bashkë me qytetarët, do t’i japë përgjigjen e merituar me 11 Maj, duke nxjerrë kartonin e kuq për Ramën.
Këlliçi kritikoi premtimet e pambajtura të Ramës, duke i kujtuar qytetarëve se çfarë ka bërë dhe çfarë nuk ka realizuar gjatë 12 viteve të tij në pushtet.
Faleminderit demokratëve që keni ardhur, sepse në fakt, po e çmëndni Edi Ramën këto kohë. Nëse shihni postimet e tij të fundit, do të vini re një montazh video nga një njësisë tjetër, por në fakt, ai ka probleme të theksuara me zonjat. Ai ka sulmuar kryetaren e PD-së në degën nr. 9.
Sot, jemi në degën nr. 2, ku kemi një zonjë të nderuar si kryetare të degës, zonjën Tabaku, Metaj dhe të tjerë. Prisni reagimin e Ramës me hardhuca, zhapikë dhe bufa, sepse tjetër gjë nuk di të thotë për qytetarët. Ka 12 vite që nuk mban asnjë premtim.
Për momentin, jemi në njësinë numër dy, në një zonë që mban emrin “Depo e Ujit”, dhe ndërkohë, ujë të pijshëm nuk ka. Rama në 2013 premtoi ujë të pijshëm 24 orë për qytetarët e Tiranës, dhe sot, 12 vjet më vonë, vijon të premtojë ujë 24 orë në ditë. Dhe kush është fajtor për këto 12 vjet? Saliu, thotë ai, por ka 12 vjet që është kryeministër.
Doktor, kam përshtypjen që pas këtij takimi të zjarrtë, Rama do të lajthitë prapë me videomontazhe të tjera, por Edi Ramës i kemi lënë hardhucat, zhapikët dhe të gjithë llojet e kafshëve.
Korrupsioni, krimi i organizuar, trafiku i drogës, orët e dorës nga gjysmë milion ose 1 milion euro, shishet e verës 33.600 euro dhe 200 pensione mujore, ai i pi në një drekë me një shishe verë.
Është kryeministri i vendit më të varfër të Europës, që udhëton me avion privat. Një njeri i cili, para se të zgjidhej kryeministër, pretendonte se ishte artist dhe nuk kishte hapur asnjë ekspozitë në jetën e tij.
Me paratë e qytetarëve, për rrugë, ato para i ka çuar për të hapur ekspozita nëpër botë, me lekët e shqiptarëve. Përgjigjen do t’ja japim më 11 Maj. PD, me nr. 1, bashkë me qytetarët e këtij vendi, më 11 Maj i nxjerrin kartonin e kuq Edi Ramës.
