Për kryekomisionerin zgjedhor Ilirjan Celibashi, 11 Maji i vitit të ardhshëm është data optimale për zhvillimin e zgjedhjeve parlamentare.
Deklaratën e tij Celibashi e bëri menjëherë pasi doli nga Presidenca, ku zhvilloi një takim konsultativ me kreun e Shtetit Bajram Begaj, lidhur me procesin e nisur për përcaktimin e datës së zgjedhjeve.
Më herët gjatë ditës së sotme, Begaj zhvilloi dhe një takim me përfaqësues të Partisë Socialiste, të cilët propozuan gjithashtu 11 majin 2025 si datë për zhvillimin e zgjedhjeve.
