Një moment befasues ka ndodhur në shtëpinë e Big Brother VIP Kosova, ku Xheneta ka dhënë një përgjigje të papritur kur Kevini e pyeti për planet e saj pas përfundimit të spektaklit.
Ajo i tha se një nga planet që ka në mendje është që të bëjnë një bebe, duke lënë të gjithë të habitur.
Kjo deklaratë e Xhenetës ka qenë e papritur, sidomos duke marrë parasysh që marrëdhënia e saj me Gjestin është zhvilluar para syve të publikut gjatë gjithë kohës që ata kanë qëndruar brenda shtëpisë.
Gjesti, i cili është gjithashtu pjesë e këtij “romanci” të përfolur, ka analizuar në heshtje fjalët e Xhenetës, duke lënë të kuptohet se ai është i gatshëm të mbështesë këtë ide.
Pas disa ditësh lidhjeje, ata u “zyrtarizuan” si çift, pas një puthjeje pasionante brenda shtëpisë së Big Brother VIP Kosova, moment që nuk kaloi pa u vënë re nga fansat.
Tani, pas këtij momenti, duket se dyshja ka vendosur të shkojë përtej ekranit dhe të zhvillojë një marrëdhënie më serioze, ndërsa deklarata e Xhenetës ka ngritur pyetje dhe spekulime te të gjithë ata që e kanë ndjekur këtë histori.
