Mëngjesin e sotëm, një 50-vjeçar është gjetur pa shenja jete në lagjen numër 11 në Durrës.
Sipas hetimeve, rezulton se XH.M është banues në Tiranë. Sipas informacioneve paraprake nga policia, në trup nuk ka shenja dhune, por hetimi vijon për të zbardhur detaje.
Dyshohet se 50-vjeçari mund të ketë ndërruar jetë nga shkaqe natyrale, por hetimet janë ende në vijim.
Njoftimi i policisë:
Sot, në mëngjes, në rrugë, në lagjen nr. 11, Durrës, është gjetur pa shenja jete, shtetasi Xh. M., rreth 50 vjeç, banues në Tiranë. Nga këqyrja e trupit të këtij shtetasi nuk janë konstatuar shenja dhune dhe paraprakisht dyshohet se ai e ka humbur jetën prej shkaqeve natyrale. Po hetohet për të dokumentuar ligjërisht rrethanat e këtij rasti.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.
