Dhimbja e kokës, dhimbja e fytit dhe hundët që rrjedhin janë simptomat më të zakonshme të raportuara që lidhen me variantin Delta të virusit, thonë studiuesit.
Prof Tim Spector, i cili drejton studimin e Zoe Covid Symptom, thotë se infektimi me variantin Delta mund të ndihet “më shumë si një ftohje e keqe” për të rinjtë, informon albeu.com.
Por megjithëse mund të mos ndihen shumë të sëmurë, ata mund të jenë të rrezikshëm për të tjerët, pasi është ngjitëse.
Simptomat klasike të Covid që njerëzit duhet të shikojnë, thotë NHS, janë:
- kollë
- ethe
- humbje e nuhatjes ose shijes
Por Prof Spector thotë se këto tani janë më pak të zakonshme, bazuar në të dhënat që ekipi i Zoe ka marrë nga mijëra njerëz që kanë regjistruar simptomat e tyre në një aplikacion.
“Që nga fillimi i majit, ne kemi qenë duke parë simptomat kryesore në përdoruesit e aplikacioneve, dhe ato nuk janë të njëjta si më parë”, thotë ai, informon albeu.com.
Ndryshimi duket i lidhur me rritjen e variantit Delta, identifikuar së pari në Indi dhe tani përbën 90% të rasteve Covid në Mbretërinë e Bashkuar.
Ethet mbeten mjaft të zakonshme por humbja e nuhatjes nuk shfaqet më në 10 simptomat kryesore, thotë Prof Spector./albeu.com
