48-vjeçari me iniciale K. S. është vënë në pranga në Vlorë, pasi dyshohet se ishte pjesë e grupit që u arrestuan në dhjetor të vitit 2023.
Ai ishte shpallur në kërkim, pasi dyshohet se është pjesë e grupit që merrej me përpunimin dhe transportimin e kanabisit, në afërsi të vijës ujore, për ta transportuar më pas me rrugë detare, drejt Turqisë.
Gjykata e Apelit Tiranë i ka caktuar 48-vjeçarit, masën e sigurisë “Arrest në burg”, për vepën penale “Prodhimi dhe shitja e lëndëve narkotike”.
Gjatë operacionit të policor të koduar “Reset”, i cili u realizua pak javë më parë, u sekuestruan 34 pako të madhësive të ndryshme, me lëndë narkotike cannabis sativa, me peshe totale 500 kilogramë.
Në dhjetor të vitit të kaluar u vunë në pranga 7 persona dhe u sekuestrua lënda narkotike.
Materialet procedurale i kaluan Prokurorisë së Vlorës, për veprime të mëtejshme.
