Vetëm para disa ditësh, Victor Osimhen rinovoi kontratën me Napolin. Sulmuesi nigerian zgjati bashkëpunimin me italianët deri në 30 qershor të vitit 2026. Por pavarësisht rinovimit, ofertat për bomberin nuk mungojnë.
Nga Anglia raportohet se Chelsea është i gatshëm ta transferojë nigerianin. Nëse nuk ia del në merkaton dimërore, “Blutë e Londrës” janë të gatshëm të shpenzojnë miliona në atë të verës së ardhshme.
Klauzola e lirimit të Osimhen pas rinovimit të kontratës është 130 milionë euro. Në krahun tjetër, londinezët thuhet se janë të gatshëm të ofrojnë deri në 120 milionë, një shumë që nuk dihet nëse do ta bindë presidentin e Napolit, De Laurentiis.
Por mbetet edhe në dorën e vetë 25-vjeçarit, me këtë të fundit që ka oferta edhe nga Arabia Saudite.
