Shkodra nuk ka gjetur qetësi ditët e fundit, teksa pas dy ngjarjeve që tronditën qytetin, është parandaluar një rast që mund të kishte përfunduar në tragjedi.
Policia ka arrestuar një 39-vjeçar, i cili ka qëlluar me armë drejt një makine të parkuar.
Mbrëmjen e djeshme, shërbime të Policisë Vau i Dejës kanë bërë të mundur parandalimin e një konflikti mes dy personave.
Si rezultat i reagimit në kohë të policisë, u vu në pranga shtetasi A. L., 39 vjeç, i cili qëlloi me armë zjarri në drejtim të një automjeti të parkuar, në përdorim nga E. P. Në momentin e arrestimit, 39-vjeçari ka kundërshtuar me dhunë punonjësit e Policisë.
