Një aksident automobilistik ka ndodhur pasditen e sotme në aksin rrugor Këlcyrë-Dragot, në vendin e quajtur “Fusha e Dragotit”, ku për pasojë ka mbetur i plagosur një 64-vjeçar.
Mësohet se drejtuesi i kamionit ka humbur kontrollin dhe për pasojë ky automjet ka dalë jashtë rruge.
Ai u dërgua për ndihmë mjekësore, në spitalin e Tepelenës, ndërsa grupi hetimor vijon punën për sqarimin e plotë të rrethanave të këtij aksidenti.
Njoftimi i policisë:
Rreth orës 18:00, në aksin rrugor “Këlcyrë-Dragot”, në vendin e quajtur “Fusha e Dragotit”, shtetasi E. D., 64 vjeç, ka humbur kontrollin mbi drejtimin e automjetit kamion, dhe për pasojë ky automjet ka dalë jashtë rruge.
Nga aksidenti, është dëmtuar 64-vjeçari, i cili u dërgua për ndihmë mjekësore, në spitalin e Tepelenës.
Grupi hetimor vijon punën për sqarimin e plotë të rrethanave të këtij aksidenti.
