Pesë turistë në Gjirin e Karaburunit kishin humbur rrugën prej 6 orësh teksa kanë qenë duke eksploruar zonën. Ata kanë lëshuar sinjalin SOS orët e pasdites së sotme (5 korrik 2023).
Menjëherë policia dhe zjarrfikësit u nisën drejt zonës dhe kanë bërë të mundur gjetjen e turistëve, 2 gra dhe 3 burra.
Turistët me origjinë nga Ukraina dhe Bjellorusia kishin mbetur të bllokuar në malin e Karaburunit mbi zonën e Dukatit.
Ata kanë telefonuar emergjencat e shtetit grek për ndihmë. Ka qenë shteti grek qe ka njoftuar autoritetet shqiptare, të cilat kanë mbërritur në vendin ku ndodheshin turistët.
Ata ndodhen në gjendje të mirë shëndetësore./Albeu.com
