Forcat e armatosura të Kinës njoftuan këtë të martë se një luftëanije e marinës amerikane “hyri ilegalisht” në ujërat pranë ishujve Spratly në Detin e Kinës Jugore, duke shtuar se ata e monitoruan dhe më pas e dëbuan.
“Veprimet e forcave të armatosura amerikane kanë bërë një shkelje serioze të sovranitetit dhe sigurisë kombëtare të Kinës”, tha Tian Junli, zëdhënës i komandës së Ushtrisë Çlirimtare Popullore.
Luftëanija, USS Chancellorsville, kohët e fundit lundroi nëpër ngushticën e Tajvanit. Deri më tani nuk ka pasur asnjë reagim nga forcat e armatosura amerikane.
Sipas përfaqësuesit të Kinës , ndërhyrja e anijes luftarake amerikane tregon se Uashingtoni “po shkakton rreziqe sigurie” në Detin e Kinës Jugore, pasi ka vendosur të imponojë “hegjemoninë e tij” në lundrim dhe të “militarizojë” rajonin./albeu.com
