Pasditen e sotme në zonën e Laprakës, Tiranë, u gjet një granatë dore.
Policia reagoi menjëhere duke deklaruar se granata ishte e vjetër dhe është larguar nga forcat xhenerike pa asnjë problem.
Njoftimi i policisë:
Tiranë/Informacion paraprak
Më datë 21.09.2020, rreth orës 18:05, në Laprakë, në një shkurre është gjetur një granatë dore e vjetër, e ç’aktivizuar.
Granata është marrë nga forcat xheniere pa asnjë problem.
______________________
Por sipas banorëve të zonës, të prononcuar për mediat, granata vazhdon të jetë ende në zonë, gjë e cila i ka shqetësuar ata.
Këta deklarata rrëzojnë njoftimin e parë të policisë, ndërsa ende pritet një njoftim i dytë zyrtar për këtë ngjarje. /albeu.com/
