“Ti Like, e meriton një gjë të tillë, se çfarë do mbjellësh do korrësh. Të kishe dhenë urdhër në 2015-tën të votohej Halimi, sot s’do kishim as gazetarë te kercënuar, as leje ndërtimi pa kriter…”
Aktori i humorit Julian Deda, ka reaguar pas konfliktit të sotëm në distancë mes Presidentit Ilir Meta dhe kryebashkiakut të Tiranës, Erion Veliaj.
Jul Deda, i njohur edhe si përfaqësues zyrtar i PD-së, e ka quajtur Veliajn ‘insekt politik që është stërvitur të kafshojë’, por gjithashtu ai ka fajësuar edhe Metën, duke e akuzuar se kur ishte kryetar i LSI e ndihmoi në zgjedhjet lokale të vitit 2015, për fitoren.
Reagimi i Jul Dedës
Kur Erion fiku kishte nevojë per votat e Metës nuk dinte ku ta lepinte më parë, ndërsa sot që është në hall të madh për ato SMS-të e dërguara në drejtim të gazetares, koka e parë politike që kërkon te presë është pikërisht ajo e Ilir Metës.
Në fakt, ti Like, e meriton një gjë të tillë, se çfarë do mbjellësh do korrësh. Të kishe dhenë urdhër në 2015-tën të votohej Halimi, sot s’do kishim as gazetarë te kercënuar, as leje ndërtimi pa kriter, as shembje Teatri, as adoleshent te vrare ne Sharre, as vjedhje masive taksash, as tendera për gjobaxhinjtë dhe mbi të gjithë me shumë mundësi nuk do kishim mes nesh modelin me të ndyrë politik në historinë e Shqipërisë post-komuniste, Erion Fikun…!
Erioni, ky insekt politik është stërvitur të kafshojë çdo dorë që e ka ndihmuar dhe dora e rradhës që duhet kafshuar sa më shpejt është ajo e Edit.
