Gjatë koncerteve verore dhe jo vetëm këngëtarët shqiptarë janë përballur me situata të ndryshme.
Një situatë i ka ndodhur edhe Kidës së fundmi teksa po performonte në një klub në mbrëmje.
Publiku ishte shumë pranë skenës ndaj dhe ata që po shijonin koncertin, mund ta preknin fare lehtë edhe këngëtaren.
Një fanse nisi t’i prekë gishtat e këmbës, ndërsa Kida u habit nga ky veprim. Këngëtarja e kaloi skenën me të qeshur teksa i bëri një pyetje me mikrofon.
“E ç’ka ke ti me gishtat e mi, a bën ta di?”
Të gjithë nisën të qeshin ndërsa Kida iu rikthyer performancës së saj.
Këngëtarja është përfolur shumë së fundmi në mediat rozë për romancën e saj.
Para disa kohësh, pati shumë aludime se ajo ishte në një lidhje dashurie me një djalë që jeton në Dubai, por tani nuk ka më dyshime. Këngëtarja është fotografuar teksa shijon pushimet në Ulqin bashkë me djalin që i ka vjedhur zemrën./albeu.com
