Pasditen e djeshme një sherr masiv u raportua të kishte ndodhur në Ksamil, ku të lënduar mbetën 3 anëtarët e një familjeje, Tiku Ahmeti, Luli Ahmeti dhe Flamur Ahmeti.
Dy prej tyre ndodhen në spitalin e Sarandës, ndërsa njëri është dërguar në Tiranë për të marrë trajtim më të specializuar.
Policia ditën e sotme ka shpallur në kërkim 4 persona, për veprën penale “Plagosje e rëndë me dashje”, e kryer në bashkëpunim.
Njoftimi i policisë:
“Specialistët e Hetimit të Krimit të Stacionit të Policisë Ksamil referuan materialet në Prokurorinë pranë Gjykatës së Shkallës së Parë Sarandë, si dhe shpallën në kërkim shtetasit: Gj. A., 22 vjeç; K. P., 21 vjeç; E. M., 22 vjeç, dhe S. A., 18 vjeç, banues në Shëndëlli, Sarandë, për veprën penale “Plagosja e rëndë me dashje”, e kryer në bashkëpunim, pasi në lagjen nr:1, Ksamil, kanë goditur me grushte dhe sende të forta shtetasit A. A., 49 vjeç; L. A., 46 vjeç dhe F. A., 43 vjeç, banues në Ksamil, të cilët ndodhen nën kujdesin e mjekëve.
Materialet i kaluan Prokurorisë, për veprime të mëtejshme.”
Vijon…
