Ndërkohë që e gjithë vëmendja e shtypit britanik dhe atij të huaj, ishte e përqendruar te vizita e Harry-t dhe Meghan Markle në Holandë, një tjetër princ i adhurueshëm na ka marrë mendjen ditën e djeshme.
Bëhet fjalë për princin Louis, djalin e dytë të Kate Middleton dhe dukës së Cambridge, William, i cili feston ditën e sotme datëlindjen e tij të katërt. Në ndryshim nga vëllai dhe motra e madhe, Louis është më pak ‘’i njohur’’, më se e kuptueshme kjo gjë, për shkak të moshës së tij. Mirëpo pas fotografive të publikuara nga Pallati i Kensington-it, të gjithë duam të dimë dhe ta shohim më shpesh më të voglin e familjes.
Duka dhe dukesha e Cambridge postuan dje disa foto të Louis në llogarinë e tyre të përbashkët në Instagram, teksa ai shfaqej duke buzëqeshur në një plazh në Norfolk, Angli ku shkruhej “Nesër 4 vjeç!”. Sipas burimeve të Pallatit mbretëror ato janë realizuar nga Kate në fillim të këtij muaji.
View this post on Instagram
Louis është duke luajtur dhe vrapuar në plazhin me rërë, ndërsa ka veshur pantallona të shkurtra ngjyrë gurkali dhe një pulovër gri me yje.
View this post on Instagram
