Mbrëmjen e djeshme është dhunuar me levë kancelari i Gjykatës së Elbasanit, Ledio Sulkuqi.
Sipas burimeve bëhet me dije se Sulkuqi është goditur disa herë me levë në trup nga persona të paidentifikuar.
Ngjarja ka ndodhur sapo kancelari i Gjykatës ka dalë nga një bar-kafe afër Drejtorisë së Policisë së Elbasanit.
Sot ka reaguar policia, e cila, në njoftimin e saj, thotë se kanë nisur hetimet.
Njoftimi i policisë:
Elbasan/Informacion paraprak
Më datë 10.04.2022, rreth orës 22:30, në lagjen “Aqif Pasha”, Elbasan, në rrethana ende të paqarta, është goditur me sende të forta në kokë shtetasi L. S., 51 vjeç, i cili ndodhet në Spitalin Rajonal Elbasan, nën kujdesin e mjekëve, jashtë rrezikut për jetën.
Grupi hetimor po punon për sqarimin e rrethanave të ngjarjes, identifikimin dhe kapjen e autorëve./albeu.com
