Reali bën të pamundurën.
Los Blancos kanë përmbysur PSG duke triumfuar 3-1 në ndeshjen kthyese në Bernabeu duke kaluar ne cerekfinale.
PSG bëri gjithçka mirë në fillimin e ndeshjes, të cilën e nisi në mënyrë agresive duke sulmuar vazhdimisht me të zakonshmin Mbape i cili arriti edhe të tundte rrjetën. Kurtua më pas evitoi disa herë golin e dytë, ndërsa Reali e kishte të vështirë të dilte në lojën e vet.
Por në pjesën e dytë në fushë ishte një Real tjetër, më kërkues dhe me Benzema i cili dukej i motivuar për të mos u ndalur këtu në këtë sezon.
Sulmuesi përfitoi nga një gafë e Donaruma për të barazuar shifrat e më pas, shtoi edhe dy gola të tjerë brenda 3 minutash, për të kthyer plotësisht fatinë e këtij dueli.
Tentativat e dëshpëruara të PSG nuk sollën asgjë dhe francezët kësisoj panë përsëri veten jashtë një turneu të cilin e kishin nisur si favoritë, duke i hapur rrugë ekspertëve të këtij kompeticioni.
