Presidenti i Serbisë, Aleksandar Vuçiq, ka folur sërish rreth asociacionit të komunave me shumicë serbe.
Vuçiç është shprehur se ai ose do të formohet me kompetenca ekzekutive ose nuk do të bëhet fare.
Deklaratat presidenti serb i bëri gjatë promovimit të një fabrike në Kaç, e cila ishte një investim gjerman.
Ai gjatë fjalës së tij ironizoi me deklaratën e para pak ditëve të presidentes së Kosovës, Vjosa Osmani, se nuk do të ketë asociacion me kompetenca ekzekutive.
“Më së miri është që Asociacioni të ketë të drejtën të prodhojë qese për krem-banane. Eventualisht tri shkrepësa dhe dy lapsa për fundvit dhe kështu Vjosa Osmani të jetë e lumtur”, ka thënë në mënyrë ironike Vuçiqi.
Kohëve të fundit është rritur presioni ndërkombëtar dhe kërkesa e Serbisë për themelim të Asociacionit.
Osmani, por edhe kryeministri Albin Kurti kanë thënë se nuk do të ketë Asociacion, pasi ai do të shndërronte Kosovën në një shtet jofunksional, duke marrë shembull edhe Bosnjën.
“Asociacioni o do të bëhet me kompetencat që jemi marrë vesh në Bruksel ose faleminderit, ne punën tonë, ju tuajën dhe do të takohemi një ditë”, ka thënë Vuçiqi, përcjell “Kossev”.
Shumë prej pikave të Marrëveshjes së 2015-s për Asociacionin janë shpallur anti-kushtetuese nga Gjykata Kushtetuese në Kosovë./albeu.com/
