Programi i ndarjes së vaksinave të Organizatës Botërore të Shëndetësisë, COVAX, parashikon që një shtesë prej 1.1 miliardë dozash vaksinash Covid-19 do të vihen në dispozicion globalisht nga tani deri në fund të vitit, më pak nga sa ishte vlerësuar më parë.
Ky parashikim, i publikuar të mërkurën, parashikon 25% më pak doza krahasuar me parashikimin e korrikut.
Aktualisht, 560 milion doza janë lëshuar për dërgesë në vendet e pasura përmes COVAX.
Në atë që raporti e quan “skenari më i mundshëm” për furnizimin me vaksina deri në fund të vitit, më shumë se një miliardë doza të tjera do të vihen në dispozicion midis shtatorit dhe fundit të vitit.
“Ne presim që të kemi 1.1 miliardë doza të tjera në dispozicion për shpërndarje tani dhe në fund të vitit”, tha Dr Seth Berkley, CEO i GAVI, një nga grupet që përbëjnë COVAX, në një konferencë për media. Dozat synohen për 92 vende me të ardhura më të ulëta./albeu.com
